O Proxecto Lector é unha iniciativa transversal na que participa todo o profesorado para promover hábitos de lectura.

Este proxecto persegue fomentar o interese do alumnado pola lectura en Lingua Castelá, Galego e Inglés, ao tempo que procuramos:

• Mellorar os resultados académicos a través da mellora da calidade lectora do alumnado.
• Mellorar a velocidade lectora e aumentar a capacidade de comprensión lectora.
• Fomentar o interese pola lectura.
• Implicar ás familias.
• Ofertar animación á lectura.
• Buscar recursos para ampliar os coñecementos adquiridos na aula mediante as Novas Tecnoloxías.

A través das bibliotecas de Aula ofértase unha variada gama de títulos adaptados a todos os gustos e idades.

Un fondo bibliográfico está á disposición de todos os cursos de Primaria para aumentar os índices de lectura e de comprensión, facendo visible a importancia de ler como necesidade social, educativa e cultural.

A interacción do alumnado con este medio rico en recursos literarios favorecerá, sen dúbida, a mellora das competencias lectoras e, a longo prazo, a mellora dos resultados académicos, que é o obxectivo final do Proxecto Lector.