TITORÍAS
Acompañamento Persoal e Académico
As familias do alumnado poden solicitar entrevistas coas/cos titoras/es a través da conta corporativa, recomendándose facelo con antelación para que o equipo docente dispoña do tempo preciso de recollida de información. Este proceso garante un seguimento máis completo do rendemento e benestar do alumnado.
Funcións da/do Titora/Titor con referencia ás/aos alumnas/os
- Dar ao principio de curso, ao seu alumnado, toda a información precisa.
- Facilitar a integración no grupo e fomentar a participación nas actividades do Centro.
- Coñecer o expediente, a situación familiar e escolar, e reflectilo no Caderno do Titor.
- Realizar un seguimento trimestral co profesorado do curso, para avaliar o proceso de aprendizaxe de cada alumna/o.
- Recoller as necesidades do alumnado e comunicalas ao Xefe de Estudos para organizar actividades de reforzo.
- Orientar o alumnado de maneira directa e inmediata no seu proceso formativo.
- Controlar as incidencias da aula a través do parte diario, informando as familias cando sexa necesario.
- Coordinar os traballos extra do grupo, mediando co profesorado, alumnado e Equipo Directivo.
Con referencia ás Familias
- Informar das actividades docentes e do rendemento académico por medio de Classroom, circulares ou reunións.
- Participar nas reunións de inicio de curso explicando os Proxectos do Centro.
- Implicar ás familias nas actividades de apoio e aprendizaxe das/os súas/seus fillas/os.
- Reunirse coas familias cando o alumnado teña máis de dúas áreas suspensas, para buscar solucións conxuntas.
